حك الموت لاجن نعتب اعلة الموت

حك الموت لاجن نعتب اعلة الموت
هم مرة استحة هم كصتهة تعرك ؟

شعجب من شاف نعشج مشيول
لا عينة انثنت لا بالجذب دنك ..

يا درب الشطوط شكثر بيك اجدام
تمــشي امطينة ورغم الحذر تزلك

(زكية) احجيت قصتها الى الدفان
لكن بالحجي الدفــــان ما صدك

يا كاع النجف اشكثر بيــج اسرار
نحسدهة الصبرهة وشعجب ماتزهك

ما عدنة ارض تاخذ جيل مكتول
واليدفن جبــــل ينرادلة خندك

ما مصدك غرفتج تبقى كلها تراب
واخشاب العرس تابوت الج تندك

بعدنا انوح ونكدر الثياب الســـود
ويظــــــل الحزن بكلوبنا ازرك

جيـــت اركض يا درب الـــموت
لاجن الركض كدامي ما لحـــك

لــــــو رايــــــد فدى ننطيــــه
ونخلي اسنينه عالرؤوس تتغرك

لو رايد بدالج جان اصيـــــر آنة
وتكـــــول الناس كلمة حگک

يا كاع النجف واشكثر بيج اسرار
نحسدهة الصبرهة وشعجب ما تزهك