الرئيسية
في البدء كانت ا
أحدث الصور
دخول
العمل/ المهنة : (الى نقابة المحامين العراقيين مع التحية) المحامون العراقيون يقفون على باب دائرة تسجيل الشركات ولسان حالهم يقول : لله يا محسنين !!! (الصور تتكلم - التقطت يوم الاحد 17 تشرين الأول/أكتوبر 2010)
لا نعرف ، هل أصبحت مشكلة المحامين في هذه الدائرة كمشكلة ساستنا وتشكيل الحكومة ؟
سبق ان كتبت مواضيع عن هذه الدائرة ولم تكن تقصد شخصاً بذاته بل عن طريقة التعامل وطريقة المراجعة وبالذات التعامل مع المحامين ، فجوبه من كتب بعتاب من موظفي هذه الدائرة ، رغم انهم ذكروا بكل احترام وتقدير ، لا بل وجهت التحيات للعديد منهم بسبب تفانيهم في العمل ونحن نعرفهم واحدا واحدا بحكم عملنا المتواصل كمحامين (وخصوصا آني المحامي الثايب اللي عمري واحد وتثعين ثنة بالتمام والكمال) واحتياجنا لخدمات هذه الدائرة وبالفعل هنالك موظفون وموظفات قمة بالخلق الكريم والتعامل الحسن وتلبية كل ما يحتاجه المراجع لكن نتحدث عن سياقات عمل وطريقة تعامل مفروضة من جهات عليا ، ولو تحدثتم مع الموظفين انفسهم لاجابوك بأنهم لا يرضون بهذه السياقات وانها اخرت العمل وتسبب بهذه الفوضى وتلك الجهود المضاعفة التي اتعبت الموظف والمراجع على حد سواء ،
وهنا لا نريد كم اضبارة وكم معاملة تفقد وتضيع بسبب هذه السياقات ، بل شاهدنا احد زملائنا المحامين اليوم (الاحد 17/10/2010) قام بتأسيس شركة ودفع كل الرسوم بل وحتى الغرامات والنتيجة ، ضاعت الاضبارة والشركة ولدت للتو ، فما هو ذنب موكله صاحب الشركة ، وهو الذي دفع ملايين الدنانير وينتظر تعويضها بعمل بالمستقبل لكن ؟ الاجابة جاءت له ، ضاعت اضبارتك ، وهو الان نقدم طلبا بعد اخر (ونحن ننتظر ساعات طويلة واياما طويلة أمام الباب وكأننا نستجدي - بل بالفعل نحن نستجدي على باب دائرة تسجيل الشركات ومن ينكر ذلك ليشاهد الصور) ،
عيوني يابة ست خنساء يا بعد عمج .. ترة اني شايب وغادي عظامي قلايج وهية بس العوجية اللي تخليني اجي لدائرتكم المصون ، أي قابل طالبين منكم مرة يا بعدي عوينتي ؟! هية جم جلمة وحجاية نحجيهة ونرد لهلنة سالمين ، ها جا شنهو يا بعد عوينتي يا ست خنساء ؟ جا عاجبج هسة نراجع واحنة بالجول ؟ وتعال اكعد ورة الباب .. ريت الموظف يسمع وشيحجون .. اح .. اح .. والله ما بيه احجي بس اكحكح .. من فدوة اروح لدائرتكم وارجع بعربانة .. عيوني بوية نقيبنة يا محمد يا فيصل .. جا اشو كظيتهة بس هوسات وشعارات .. شلون وية القايد الضرورة احنة .. خلصنة وما خلصنة .. عيوني انة بكد جدك يا بعد جدك .. ما تكلي شنهي هالطلابة .. اشو تي تي .. تي تي .. مثل ما رحت جيتي ! مو قرينة خبر مقابلة وزير التجارة ووعدنا بحل مشكلة خنساء الله يجرم .. اشو لا حس ولا نفس ! ها بوية يا بعد جدك يا فيصل يا عجيدنا .. شلون بينة .. اشو ما انفضت يا بعد عوينتي ؟!! ها جا ينرادلنه عراضه بهالمضيف ! ها .. ما اسمع زين .. شتكول يا بعد جبد ابوك ؟ يا مضيف ؟ هوة أكو غيره .. مضيف حجية خنساء .. انتة بس تعال اكعد ورة باب تسجيل الشركات .. وتعال اسمع ويشيحجون ويلادك المحامين .. بس ما بيهة هالمرة لا عراضة ولا طك جيلات .. بوية يا عمي دبطلوا من هالسوالف .. قابلنا معالي الوزير الطركاعة ووعدنا بحل مشكلة الفسيفس اللي طفر على فروجتنة .. والله تعبت من الوكفة يا عالم .. دخلي اروح انام واحطلكم صور فضيحة دائرة مسجل الشركات اللي اجتني وطكوها اليوم الاحد 17 تشرين الاول 2010 حتى نجوز من هالشعارات .. هذا واقعنا يا بوية .. احنة المحامين كظيناها بس نسمع وعود وكلشي ماكو .. تاليها بطرك الراتب التقاعدي اللي ما يكفي المزبن والتتن لنهاية الاسبوع والحجية العجوز تريد دوة وابر .. منين اجيبلهة .. والما عنده منين يجيب يا خلك الله ..
هسة تعال اكعد يا معالي النقيب محمد الفيصل ورة باب مسجل الشركات والزم سرة وية خوتك المحامين المجادي (احم) ها جا شنهي ! شوف شلون يصير المجدي بعد ؟!
وحتى اكنص لكم (نكَرة) اخرى وبالصور اودعناكم بالله اروح ابلع الدوة مالتي وانطمر كبل ما تكعد العجوز وتسحلني سحل !
عدل سابقا من قبل المحامي (قناص الفساد) في الأحد 17 أكتوبر 2010, 4:01 pm عدل 1 مرات
