زهيري ومواويل عراقيه

تلفت دربك كثر ماروح بيه وارد
وانت بصدودك وأبد ماحن دليلك ورد
رسمك بالي ولا رسمي بالك ورد
يازيك صد وكبر الله الجبير العلي
ولصير يصغر تره شماصار بسماه وعلي
انت شنهو الي بيك حلو وكبرانه نفسك علي
بس زجهك انت گمر ولطول غصن الورد


الچان سيفي گبل وعن المراجل يسد
ذيب الليالي ضحك عند الشهاده وسد
باب التخاذل عند وجه الأعادي وسد
هيبه وكريم النفس عامود بيتي وركن
غالي بغلات النفس ماخذ بگلبي ركن
خالي الشهيد البطل ذاك بهجت الركن
شامخ شموخ النخل حتى بمماتو اسد


مامل عن كتب الشعر للرجال مامل
فرسان الشهادة عن كولهم مامل
الوكت اخ الوكت وي العدو مامال
يمشي معاهم بطرق مسدودة
وعبوات النشامة بأذن الله مسددة
ياربي ندعيك منزل القرأن ومسدده
نسئلك الشهادة لا دنيا ولا مال




يومن ترك مايمر ريم الحمادة العين
حيلي ترادة وردت من ربي بس يعين
حاير طبيب الهند لمن علي عاين
ولسانة جنة ثكل وبعينة بس يومي
دكتور لاتحترف كلي كرب يومي
ان جان تالي النفس بلغلي بس امي
تشوفني طيف الترف كبلن تغمض العين
تنضرلي نضرة غضب وترف علي حاجبك
بألله اريد أسألك عني منو الي حاجبك
وياك انزف وفة مو طمع او حاجة بك
صدكني اني اعتبر حبك الية ملك
تلعب علية لعب ما يوم كلبي ملك
أنت بجمالك صرت فوك الخلايك ملك
مادام صرت الملك خليني انة حاجبك


يا ابواطباع الغدر غدرك عليه...... حال
اوسبحان من غيرك من حال صرت ابحال
للغير تعرف تحل وانتَ الك ما.....حال
اولا تحل حبل الوصل بيناتنه...... شده
الي سكيته ابدمع شجازاني .......او شده
خلصت عمري قهروكل يوم انه... بشده
السويته بيه صعب ماينغفر محال