زهيري لكادر المنتدى

ولفي يقاتي گطع جيته عليه وصله
وفرگاه بيه فتك و چبدي الصبر وصله
لرجوعه اني انذرت عمري صيام وصله
وبداري هل معتكف لمن يحن و يسل
نحيل صار الجسم و كل يوم اكثر يسل
دم و دمع ناظري لهجرانه آصبح يسل
و الروح باخر نفس بعده أحس واصله

--------------
فاتت وما سلمت شنهي الجره مالهه
ميال الهه الكلب دون الخلك مال لهه
ماريد اكضي وكت وكت بيهه الفكر مالهه
تزعل واشو دائما يبدي الزعل منهه
يا ما نهينه الكلب منهه الكلب منهه
من صرنه يا هل خلك سلوه لهه و منهه
صرنه شراكة عمر مالي صفه مالهه--


---------
هامات يامه گبل وقت السقوط سقطت
واخلاق بعض الربع مدري شجاهة سقطت
يا ريت ام النذل باول حملهة سقطت
من كان قطعة لحم ومن الشهور اربعه
يا حيف باع الوطن باوراق ميه اربعه
بالگلب خلف جرح تاريخ تسعه اربعه
وحتى طفلنه نعى بغداد يوم سقطت
-------------------