قراتها امام القيادات العراقيه ولم يخجلو

الشاعر المهندس حبيب الزبيدي ...بقلمي للوطن ومضه وقصيده.....

علو الحيطان حته انضل بعيد
وكعدو بخضراء واحنه بنص شمس
ابحلاوه انحمس عضو البرلمان
وشعبك العبوات حامسته حمس
............................................
الكبلك جان كاعد هسه كومنا
دنيه وتدري هاي الدنيه دواره
اذا رايد تبوك بمجلس النواب
كل شعب العراق جفوفه سطاره
وابد لاتعتقد اليشرد انخلي
تره شغله وكت وهم يرجع لداره
اذا القانون عنده انخالف القانون
ونخالف شرعنه وننطي كفاره
وبفس الفلس الباكه نجوي
ونكتب عالفلس هذا اندفع ثاره
وياسيدي النائب ارد اوصيك
ولهاي الوصايه الكيلي فد جاره
تدري انته الطفل منكثره التفخيخ
مايقبل بعد نشريله سياره
اختل واني ادور لعبه الاطفال
هسه الكل لعبهه بدكه الغاره
لتخيط فتك جيبلنه ثوب جديد
بينه فتوك من زاخو للعماره
من كد الجثث ميلحك الدفان
ياسيدي النائب جيب حفاره
لسويلي جامع والعرك موجود
الجامع مايفيد الووادم سكاره
نزل بالمناهج درس اسمه البوك
وكيفيه علاجه ومسح اثاره
بعيون الشعب باوع شيحتاجون
دير العين عن الهزن اخصاره
جوازات العراقي اهواي صارن حيل
بس جيب الشريف اليلكه طياره
سويلي العراق المنطقه الخضراء
ولطببلي واحد حته لو فاره
عله حدود العراق اكتب بخط جبير
مغلق للصييييييانه بامر احراره
خطار العراق اطردهم منبعيد
تره الذابح شعبنه اليوم خطاره
لتبوس ايراني ولاسعودي بنوب
والسوري التشوفه ارميه بحجاره
ذبحو بالعراق بكد صبر ايوب
وشكو ثوب عزه وفضحو اسراره
واخذ العلم ضمه فد مكان بعيد
امس باكو انجومه وطفو انواره

new077080044422@yahoo.com

[justify]