بوذيات من ارض الانبار لك محبيها

الروح خلافك متيها... عملها
غريبه ولاتظن يشفع... عم الها
عيوني الماتحب شوفك... عما الها
والف عين لاجل عينك هديه
-----------------------
طحت بهواك يمدلل... تراني
مريض ونايم بردهه... تراني
فصيلة دمي بي زائد... تراني
بس دمك ياحلو يرهم عليه
----------------------------
المكارم بيك اشوفنهن... واراهن
يركضن ليك ماتركض... وراهن
ازامط بيك واتباهه... واراهن
وعرفتك كريم وصادق النيه
----------------------------
عسل مودم ينزف اظن... وريدك
وطفل صار الكلب يبجي... ويريدك
الك مشتاق ياطيب... واريدك
كل لحظه بسنه غيابك عليه
-----------------------------
افجر الكون من اجلك واناضل
وبشمس الصيف اصيرلك انا ضل
واذاكل البشر عافوك انا اضل
اوافيك لحد المنيه
---------------------------
جنت بفي سدرة نايم صحت بيك
وطحت ماصحت الله صحت بيــــك
أمس حاجة بربع صدك صحت بيك
وشو محد كلبك رديـــت اليه
----------------------------
الوكت ذبني اعله دربك حاضر اني
وابد ماصير ماضي حاضر اني
بخدمتك يوم تأمر حاضر اني
وحط الروح جدامك هديه
-----------------------------
ابحر ولفي شصيرا ماي قارب
ردت قربة و رجيتة مايقارب
شكلك زعل مني ما يقارب
دقيق و بهل دقيقة شصار بية
------------------------
حبك بالكلب حافر وناقش
صرت نيران تحركني واناقش
اريد اكعد معاك احجي وناقش
وكلك لشوكت تقسي عليه...
------------------------------
بت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية
--------------------------------
الدهر يا الاهي بده علي مره
وعفاني وعشت هيج ايام مره
والفرح شفته بحياتي اعتقد مره
مرني لحضه وبعد ما مر عليه...
----------------
عذبني الوكت ياناس باسمر
تعده اوبلكلب بسمار بسمر
صحت اخ امشي اترجاك بس مر
لا ترجع بعد وتعم عليه
-------------------------
هوينة وغير شخصك ماهوينة
عليك العين تسأل ماهووينة
احط ايدي اعلى كلبي ماهو وينة
اذا عندك دخيلك ردة الية

---------------------------
جروحي اسنين مابطل ولمها
وكلامك طيب العلة ولمها
عليك الروح تنشدني والمها
بعيد وشوفتك عزت علية
-----------------------
السمة والكاع لو مر (ماتلمني)
اون وجروح كلبي (ماتلمني)
انتة لو شايف حلاتة (ماتلمن)
تكابلني وتظل تلــــــــــطم علية


-----------------