الطالبه حبيبتي

يامشيه أستاذ وكعده بروف
ماجستير شكلج من تصفنين
يابحث العمر وطروحه أهواي
ولا شعت شمس لوما تشعين
طحت انه بهواج سنين وسنين
ألم وجمع مصادر لاتعدين
ذمه بركبتج كل الممرات
ترشيهن عطر لمن تمرين
وكفه بكل درج خليلي تذكار
حتى أرسم خطوتج من تصعدين
ثلت ايام غبتي وحالي جنون
بالعطله شكولن من تروحين
خذي كلبي الهلج يالعمري وياج
وراويهم جروحي والنياشين
خيعون المصاطب شمتج هيل
وبخت ألتربيه البيه تدرسين
أحبج هذا أنه الهيج مخلوق
وأحب كلشي على حبج زين موزين
ياباجر وأمس ياكل الأيام
ياعمري الكضيته وباقي السنين
أذا سجين حبج أقبل اهواج
لان ذبحج حلال بهيج سجين

بجيت أدموع شبه السيل ماجن
عليج وليالي الفرح ماجن
أذا عن قيس أكلج جذب ماجن
جن عقلي باثر فركاج اليه