سنة حب وسعادة عليكم 2010 - كل واحد يتمنى امنية خاصة وامنية عامة

سنة حب وسعادة عليكم 2010 - كل واحد يتمنى امنية خاصة وامنية عامة

كل عااااام وانتم بألف خير

آسفة ما قدرت ادخل كل هاي الفترة الماضية ولا قدرت اقرأ كل الردود بالمواضيع الساابقة لاني مشغولة هواية بالتنقل مع بابا في بعض الدول (لأنه يعمل عمل يجعله يتنقل بأكثر من بلد) ولذلك ما اقدر استقر واتفرغ لفني والكم بس حبيت بسرعة انزل هذا الموضوع وارجعلكم انشالله .


ياللا خلي كل واحد يتمنى امنية خاصة وامنية عامة


واني راح ابدا

امنيتي الخاصة .. اتمنى بابا يستقر بعمله واحنة كلنا نرجع للعراق واكمل دراستي ولفني وان اتوفق في امر هام جدااااااااااااااااااااا بالنسبة الي


وامنيتي العامة


يا رب يرجع العراق حبيبي كما كان وكلنا نرجع اله بعدما يتحرر من المحتليت والعملاء وكل العراقيين يعيشون بسلام وصفاء وحب وقلب على قلب مثل قبل والله يخزي كل اعدائه ومنهم امريكا طبعا والمحتلين المجاورين وعلى رأسهم ايران طبعا


والمنتدى مالتنا يكون احلى وارقى (ويا رب اصير بيه اكبر مشرفة هههههه اتشاقه والله) لان عدنا احلى اعظم مشرفة عامة للجميع هية العزيزة الاستاذة زينب بابان

هاي هدية الك حياتي


بس انتي فتحيها وشوفي شكو بيها حياتي

وهاي هدية للمحامي الاستاذ محمد جمعة عبد ويا رب نشوفك عريس باقرب وقت يا محامينا العزيز


وهاي هدية حلوة لحبيبتي العزيزة الاستاذة وردة البغدادي وكل عام وانتي بخير حياتي


وعذرا لجميع المشرفين والاعضاء الحلوين واقول لك احبكم كلكم وعن قريب راح الزك بالمنتدى لزكة قوية ههههههههههه وبلكي اتعين معاكم واصير مسؤولة حتى اعطي احسن ما عندي وهاي هدية لاحلى مشرفين واحلى اعضاء واحلى منتدى


مع السلامة راح اشتاقلكم بس راح ارجع الكم بسرعة انشالله




لتنسون تكولون امنياتكم الخاصة والعامة بلا خجل ترة ازعل وانتوا تعرفون من ازعل شرااااح يصير هههههههههه