زعلان انه منـك وأبد ما أحاجيك

زعلان انه منك وابد ما حاجيك

ماريدن احبك بطلت اهواك

انساك ابقى احاول وانسى تعب الروح

ولو ادري جذب ما اكدر انه انساك

عشت وياك دمعه وما ضحكت هواي

وما شفت الفرح لسبوع ابد وياك

تعرفني ولك يفلان كلش زين

وتدريني شكثر اتحيير بملكاك

ياسر البواجي والدمع بالعين

يا دفتر شعر وك معرفت اقراك

ارعاك بوريدي وتشعل انت دماي

رغم كل هذا واتصبر وارد أرعاك

اكتل وكتي لجلك حتى اجيلك شوك

ولامهتم اشوفك بيه لا مشتاك

تضل تحجي ويه غيري تضحك وفرحان

( واخوي تكلي هذا وتبتسم عيناك )

من كل البشر وك انه اغار اعليك

من امك وابوك وربك السواك

ما اكدر بعد حدي انختم لهنااا

ظل عايش حياتك بين هذا وذاك

لتفكر بعد شاعر يوصفك يوم

محد مثلي يوصف شكلك الفتاك

محد مثلي يوصف عينك ورمشيك

يامن الخمر ربك شهد صفاك

لتفكر بعد شاعر يوصفك يوم

ومثل تاج الملك فوك الغزل خلاك

من شعرك وصفتك انه حد رجليك

وصلت المشيتك .. صاب القلم ارباك

ذبيت القلم وبلا قلم كتبـــــــــــــيت

قطيت انه اصبعي ووصفت ممشاك

انطيتك عشك بس الك حب انطيت

اتراهن انه ومحد ابكدي انطاك

اذا عينك بجت اكلب جروحي بساع

وادرولك ضحك بيه واكلك هاك

كلشي تلزمه بيدك جنت اضمه وياي

كاغد عندي منك احفظه لذكراك

واليوم اليمر وما اشوفك بي

احضن الكاغد انه وما احس بفراك

حتى ويه الحلم لازم اشوفك طيف

واذا اضيعك اغمض بالجفن الكاك

كل هاي المحبه وماتحن شبيك ؟!

ولا مره اغلطت او قصرت وياك

ما اكدر بعد حدي انختم لهناا

ظل عايش حياتك بين هذا وذاك

زعلاااااان انه منك بعد ما احاجيك

ماريدن احبك بطلت اهواك

انساك انه احاول وانسى تعب الروح

ولو ادري جذب للموت ما انساك