الف وسفة --لأن طبعي الوفه واخلاصي للمحبوب00 ما خنت الحبيب وأبد مجريها000 ( اي ابد ما أسوّيها )

الدنيا آفلاك بيها اشكال والوان00
بيهه اوصاف 000بس00وين اللي يحصيها؟؟؟

طيب00ووفه بيهه00وبيهه اخلاص00
حنان00وحب حبيب00وعكس هم بيهه000
بيهه يخون خلـّه اليوفي ويّاه00
وكل ذرّة وفه ويّاه ناسيهه000

الخيانه بطبعه تسري بدمّه والروح00
وأبد طبع الخيانه فراك تاليهه000

وآني حبيّبي خان العهد ذاك00
عاف حبيّبه00والثقة الناطيهه000

عهد بيناتنه00ثنين احنه خلا ّن00
لو ينكلب عالي الدنيا واطيهه000

وحفظت آني العهد للتالي ويّاه00
بس هوّه الخيانه بروحه راعيهه000

يلخلـّي جنت روح ابتعد ليغاد00
دوّر نفس صنفك حتى تحييهه000 ((تحييهه000المقصود هنا يحيي الخيانه))

لازم تلكه من صنفك ضبط مضبوط00
مثلك هوّه حاميهه حراميهه000

الف وسفه وحسافه أرتبط بيك00
غلطه وصارت00وما جنت واعيهه000

لأن طبعي الوفه واخلاصي للمحبوب00
ما خنت الحبيب وأبد مجريها000 ( اي ابد ما أسوّيها )

وصلت للعظم000من تكسره وتشوف00
خيانه ومنكرات الشرع تلكيهه000

لآمسح كل حرف من أسمك المكتوب00
وسط الكلب 00ولذكراك امحيهه000

واخاف يظل توالي من الحرف مطبوع00
لاكصّه بموس شاطر000وارجع احميهه000
تحياتي