من تسافر احجز لشخصين

يغيابك حبيبي اشلون اصبر الروح
يا حال اليظل على حالي من تروح

جرحك بالكلب داويته بس ما طاب
وبطاري السفر زيدت قلبي اجروح

ما انساك لو سافرت عشر اسنين
وشوكت ما ترد باب القلب مفتوح

يمي انته واحس بيك ابعيد
وابد ما فكرت يجي يوم مني اتروح

صحيح اني كتلك سوي كلشي اتريد
بس على البعد كتلك هذا ما مسموح

النفس انته الاشمه ولو تروح شلون
شلون تريد اعيش اني بلياك
واني اشتاقلك من انته موجود

من تبتعد اظل لصبح ما انام
واذا ما تصدك نجوم السما شهود

اموت اني بغيابك لمن تروح
لن حبك بكلبي ماله حدود

يوم التسافر احجز لشخصين
لان ميه بالميه وياك قلبي ايروح

وشما تبتعد خليه دوم وياك
احس ما يظل بروحي بس مذبوح

شيبقالي بحياتي وانته ماموجود
بس هم واذيه والم وجروح

رسمك كمت اشوفه من اغمض العيون
ولو يعمن عيوني ما اضنه يروح

ما اريد احظنك لو صار الوداع
لان من اهدك تطلع الروح

حلوة كلماتك وأعجبتني هذه

العين جمال الظلال والمكياج

شدني مثل كلامك تقبلي مروري تحياتي

المحاميه لميس كتب:
حلوة كلماتك وأعجبتني هذه

العين جمال الظلال والمكياج

شدني مثل كلامك تقبلي مروري تحياتي

شكرا لك عزيزتي لتواجدك بين اسطري وشكرا اخر لاعجابك بالعينان التي وضعتهما كتوقيع لي

المحامية سلمى كتب:يوم التسافر احجز لشخصين
لان ميه بالميه وياك قلبي ايروح

كلمات جميلة تلامس القلب...دمتي للابداع....تقبلي مروري غاليتي..تحياتي

وحضورك الاجمل سيدتي