ومضات شعرية الى كافه كادر المنتدى الراقي

يمُـــر نَهْر الشِفايـفْ وآنــة عَطْشــانْ
واظِــنْ شِفتَــكْ حَبيبي للنَهر ضِفَــة
زادْ بِينَــا العَطــشْ وحـــان الإفْطَـــــارْ
ومـنْ رَشفَة مِياهَـك نِروُي هَلشِفَــة
-------------------------------------------------
أْسكر مِن اشوفك ومِن ينحجي بطارِيـك
يمعـَـــذِب هَــلشِفــايـــفْ بِيـــك تِتغــــزل
مــا أقبـل إهانـــة مِـــنْ آغـــــازل بِيـــــكْ
بس راَضــي بمحَبتــَك يوميــة اتــــــرَزل
-----------------------------------------------------
يلــْ كِلــكْ عُذوبـــة ورِقـّـــة بيــــنِ النَّـــاسْ
جسمــكْ مِـن حَلاتـَه گـامِ يوگِــع عيـــوُن
لـــوُ ادْرِي بغيـابـَـكْ عينــي مِنـّي تْطِيـــحْ
صَـــدِگْ مـــا اعوُفــكْ لـــو يِـبـيـــدِ الكـــوْن
-----------------------------------------------------
ضعـيت الـــفرح راح بقطــار الـموت
وتيهـــت المـحطـــه وما أظـن الـحك
عجيبه الناس تضحك من أمر بدموع
طلع مشكوك حلكي وحسّبوني اضحك
>> ردي
ماضـاع الفرح لو بس قطـار يفـوت
تمـر بيهـا المحطـة والزمــن يرجـع
واذا فاتــك قطــارك لاتمـــر بدمــوع
لان عكـب الليالـــي الفجـــر يطلــــع
----------------------------------------------------
ليش اجيك ؟

لاوحك كل دمعه نزلت ما اجيك

اشتريتك يل بعتني

والزمن غشاني بيك

وصعبه ابيعك مولان غالي الثمن

بس افكر من ابيعك

راح اغش? اليشتريك
-------------------------------

تغمض عيونك تريد بدوني
زين واني شلون اغمض عيوني
وكل مكان ببيتي الك بي ذكريات
شما ردت انساك ما يخلوني
----------------------------------------
ناذر للوطن عمري وانا الممنون وابيع الروح بارخص لونزل سوكه طابوكه اشتريت وماخذت دبدوب خفت يوم الوطن يحتاج طابوكه
-----------------------------------------------
فليت الجرح حسبالي ملموم
وخرت الاضماد وبينت انته
جرحك مايروح مايفيد اضماد
جرحك بالكلب ول الله سلمته
-------------------------------------
اريد اشكيلك عذاب الروح كونك عاد تسمعني
واريدك بالوفى وياي ابد متخون توعدني
اشكيلك مرار وظيم والحسرات سلتني
يالطيفك يعذب الروح بنص ليلي يكعدني
روحي فاركت كوه قدر مكتوب وبعدني

انا شسويت غير الخير ليش الوكت بفراك الغوالي ظالمني
---------------------------------------------------------
ميفيد العناد وياي ميفيد
العاندني كبل صدكـ تندم
وانت تريد بعنادك عليه تزيد
يعني تريد احبك انت تحلم
-------------------------------------------
مدري شبيه زماني معاند وياي
اخذ مني الفرح ولوحدي خلاني
بس بقيت ابد ماهزني الريح
رغم جرحي الجبير وكثره احزاني
-------------------------------------
دورت بــغـيـابـك ما لگـيـت احـبــاب
لأن إنته الوحيد وبس علي تــرهـم
كلشي انت بحياتي وتجري بالشريان
ليش بهـا القساوه ويـاي ما ترحم
-----------------------------------------
هاك الروح اخذهه وانه ممنون
وماانطيك عيني ومااعوفك
مو بخلن ابعيني وشنهو العيون
اذا انطيك عيني اشلون اشوفك

مشرفنا المتالق خالد العراقي

مشكور لومضاتك

امنياتي اليك بالموفقية والسعادة

تحياتي