غيابك

غيابك




صار سنين صابر والگلب موجوع



أضحك بالچذب وبروحي أحزاني



وأگول تهون لازم كل مصيبة تهون



أشو عد المصايب ثبت عنواني



عشت عمري غريب وبس اداوي جروح



ولا اذكر بشر في يوم داواني



شسولفلك شگلك ع الجرة بدنيا



ييخلص كل حچي وماتخلص اشجاني



أنا العايش حلم واليقظة حرگة



ويا من يوم الولادة القهــــــر خاواني



فاقد كل أمل إلا بوفاك



ويا من لاغيرك يهمني ولا اريد آني



لأن بسمة شفاتك لية صارت روح



ولأن نظرة عيونك عندي شي ثاني



وأحس روحي بلهفتك من تكون



وبوجودك انت الزمن يرعاني



وأريدك بس أريدك ماتغيب هواي



لأن والله بغيابك موتي يدناني .
--------------------------------------------------------------------------------