ياخيو هاي بوذياتي اقريه كرمالك

على عناد اليضدني وبيك شمتان
تعال اكرب حبيبي شبيك شمتان
كبل لا اموت اشمك كون شمتان
وافرغ بيك ضيم الصار بيه
--------------------------------
بدونك ما احس بالروح حيلة
واحذرك بالبعد يهواي حيلة
ويك الكـَلب ما عاش حيلة
حيلة يعيش ببعادك عليه
---------------------


بيهم حلم احلم يا جفوني
واظل انطر وصلهم ياجفوني
عذال وعالوصل والله ياجفوني
بس رغم كلشي ازحف بدية


--------------------
معقولة وهمت مثلي هم بعد هم
وعكـَبك ماشفت فرحة هم بعد هم
يا ليلي احبابي ما سالوا هم بعدهم
انه مجنون بيهم مو بدية
------------------------
احسك بالكـــَلب ساكن وتسرح
مثل غيمة بجبل عاشت وتسرح
عليش وتعشكَ الصفنة وتسرح
معقولةهاي الصفنه عليه

------------------------------