استفسار للمشرفين بالمنتدى ارجو الرد بسرعة

اول ما سجلت بالمنتدى وصلتي بسرعة رسيالة على بريدي وبيها هاي الرسالة من العضو اسمه ادمن بالانكليزي ويحجي بيهة مثل ما تشوفون جوة


أهلاً وسهلاً بك عضواً في منتدانا هذا ، نتمنى ان تقضي اوقاتاً مفيدة وممتعة وأن تساهم بشكل فاعل في مواضيع مفيدة وتتفاعل مع مواضيع الأخوة والأخوات من المبدعين أمثالك ، فحللت أهلاً ووطئت سهلاً ، مع ملاحظة هامة كي لا تجد صعوبة في الدخول للمنتدى : ان هذا المنتدى لا يقبل الاحرف والكلمات العربية في (كلمة المرور) بل ادر (من الكيبورد) الازرار الى الاحرف اللاتينية واجعل (كلمة المرور) بعبارة بالاحرف اللاتينية (الانكليزية) أياً كانت ، ثم ادخل للمنتدى وعذرا لهذا الامر لأن المنتدى مصمم بهذه الطريقة مع ودنا وتقديرنا لك .


ولاني جديدة بس حبيت اسال هوة شمدري بايميلي وهوة مو مشرف شلون عرفني ودز رسالة بسرعة هيجي واني كاعدة يم بابا هسة وميعرف هوة هم شلون جتي الرسيالة

بعدين اريد اسال المشرفين شلون ارد وليش العضو ادمن يدز رسالة وما اعرفه ؟ غير المفروض المشرف يدز الرسالة

عفية ساعدوني وشكر

ها عرفت همزين يعني ادمن هوة مشرف ؟ عبالي عضو ديتحارش العفو لعد ما ادري لان كلما ادخل منتدى يكومون يدزون رسائل الية بعض الشباب المنحرف وحجي موزين منهم واترك المنتدى واكو اكثر من عضو ترة اسمه ادمن باكثر من منتدى يمكن هوة يسوي عضوية بكل منتدى بنفس الاسم ؟ الله العالم بس اعتذر منه لان ما كانت رسالته بيهة شي

شكرا للمشرفة العامة الست زينب وللاخ الكبير وليد

تحياتي الكم

اختكم
الفاتنة القاتلة
مشرف منتدى التسلية والنكات الخنفشارية بالمنتدى مستقبلا انشالله